Sali Berisha ka zbuluar sloganin e Partisë Demokratike në fushatën zgjedhore.
Berisha deklaroi se renditja e PD-së e para në fletën e votimit është një fat hyjnor dhe tokësor, ndërsa theksoi se “ata që votojnë PD, janë 1-sha”.
“Nuk ka dhuratë më të madhe se sa kjo (numri 1 ku renditet PD në fletën e votimit). Kur fati që është sa hyjnor dhe tokësor që i ra PD-së të ketë këtë numër, entuziazmi i demokratëve dhe i mbështetësve të PD është jashtëzakonisht i madh. Ata që votojnë për PD votojnë 1-shin, de facto janë 1sha, nuk mohohet, tu përkasësh 1-shave është në nder, privilegj, Po kjo do të jetë slogani, nuk ndalem te flamuri që ka bukurinë e tij mahnitëse, logoja, siç e shihni është logoja e betejës me të cilën demokratët shkojnë drejt fitores së 11 Majit”, tha Berisha.
REALITETI – Nga mëngjesi në darkë, Berisha thotë se më “11 maj” opozita do ta përmbysë qeverinë, por realiteti është krejt i kundërt pasi Edi Rama sipas të gjitha sondazheve po shkon i sigurt drejt fitores së mandatit të katërt.
