Plani i ri i Giorgia Melonit për qendrat e strehimit të emigrantëve në Shqipëri është pritur mirë në Bruksel, ku Komisioni i ka dhënë një dritë jeshile idesë së kryeministres italiane.
“Legjislacioni kombëtar italian do të zbatohet për këto qendra, siç ka qenë për azilin deri tani. Në parim, kjo është në përputhje me ligjin evropian. Ne do të vazhdojmë të monitorojmë zbatimin e protokollit në versionin e tij të ri” tha Markus Lammert, zëdhënësi i Komisionit Evropian.
Zëdhënësi i KE theksoi më tej se: “Lidhur me zgjidhjet inovative të propozuara në rregulloren e fundit të ekzekutivit europian për kthimet, ne kemi deklaruar se jemi të gatshëm t’i eksplorojmë, duke respektuar gjithmonë detyrimet e parashikuara nga ligji i BE-së dhe ajo ndërkombëtare, si dhe të drejtat themelore”.
