Një sasia prej 7.8 tonë mish pule e importuar nga Brazili mbërriti në Portin e Durrësit dhe pas analizave ky mish ka rezultuar me pranine e bakterit të salmonelës.
Gazetari Blendi Fevziu tregoi foton e paketimit të mishit të pulës që përmban bakterin salmonelë dhe që ka qarkulluar në tregun vendas.
“Kjo është paketa që kush e ka blerë të mos e konsumojë. Nuk duhet konsumuar, urgjent duhet të kthehet mbrapsht ne market sepse përmban salmonelë”, tha Fevziu.
Që prej datës 21 Mars, Autoriteti Kombëtar i Ushqimit nisi kontrolle në njësitë tregtare me qëllim bllokimin e produktit. Ndërkohë, sot nuk gjendet asnjë gram nga 2.6 ton mish pule i kontaminuar me salmonelë që përfundoi në treg.












