Në aeroportin e Tiranës ditën e sotme kanë mbërritur pasagjerët e parë të linjes direkt mes Shqipërisë dhe Izraelit. Linja “Sundor” nisi fluturimet sot teksa pasagjerët shprehën entuziazmin pasi zbritën në aeroport teksa theksuan se do të zbulojnë një vend të ri.
Drejtor Operacional i TIA-s, Piervittorio Farabbi tha se kjo linjë është një urë që lidh jo vetëm dy shtete, por dy popuj. Farabbi shtoi se Izraeli është një treg me shumë interes për turizmin dhe shpresojnë që ky të jetë vetëm fillimi i një bashkëpunimi të suksesshëm.
Ky fluturim 3 herë në javë është një lidhje me e madhe fizike mes Shqiperise dhe Izraelit duke ofruar më shumë mundësi udhëtimi për turistët, udhëtarët e biznesit dhe komunitetet mes dy vendeve.
