Monika Kryemadhi tha se tani po bën fushatë për t’i siguruar sa më shumë vota Ilir Metës, ish-bashkëshortit të saj dhe babait të fëmijëve.
Sipas Kryemadhit, Ilir Meta do të dalë deputeti më i votuar në të gjitha partitë që sipas saj do të marrë mbi 25 mijë vota.
“Në këto zgjedhje unë po kërkoj votën për opozitën. Po e kërkoj votën për ish-bashkëshortin tim, babanë e fëmijëve të mi. Unë e kërkoj te kushdo votën për Metën, te miqtë, te familjarët. Unë e kërkoj votën për Metën edhe pse nuk kam komunikim më me të. Ilir Meta do të bëhet deputet më 11 maj dhe do të dalë deputeti më i votuar në Shqipëri për të gjitha partitë politike. Ilir Meta i kalon 25 mijë vota në Tiranë. Por për mua kjo nuk është mjaftueshëm. Meta duhet të kalojë 30 mijë vota”, tha Kryemadhi në Dritare TV.
