Kryeministri Edi Rama është duke zhvilluar një mbledhje me drejtorët e strukturave të policisë në qarqe. Takimi po zhvillohet në ambientet e “Vilës 30” në Tiranë, ku është i pranishëm edhe drejtori i përgjithshëm i Policisë, Muhamet Rrumbullaku.
Ende nuk dihet se cili është fokusi i takimit të papritur të kreut të qeverisë me kryepolicët e rretheve. I pranishëm në takim është edhe ministri i Brendshëm Bledi Çuçi i cili sot prezantoi arritjet e ministrisë së drejtuar prej tij gjatë vitit të kaluar.
Edhe për këtë vit janë disa sfida që duhet të përballet, mes tyre edhe zgjedhje lokale të majit, për të gatantuar sigurinë publike në fushatë elektorale.
