Kryeministri i vendit Edi Rama ka dhënë lajmin e mirë se është aprovuar për t’u hapur një tjetër grup-kapitull për negociatat me Bashkimin Europian.
Rama e ndau lajmin në një bashkëbisedim live me ndjekësit teksa theksoi se deri më tani janë hapur 16 grup-kapituj dhe së shpejti do të hapen edhe 8 të tjerë, duke e çuar numrin total në 24 nga 35 gjithsej.
“Kur po shkoja në Fier, mora lajmin se grup-kapitulli tjetër i negociatave u aprovua për t’u hapur. Pra kemi hapur 16, hapim edhe 8 të tjerë tani. Mbeten edhe 11 për t’u hapur dhe kam besim dhe shpresoj e uroj që me fuqinë e re të 11 majit të hapim edhe 11 të tjera brenda këtij viti. Do të ishte rekord evropian se asnjë vend s’i ka hapur të gjithë kapitujt në një vit dhe asnjë tjetër me afat në tre vjet. Fati evropian është në duart tona”, u shpreh Rama.












