Në Tiranë ka nisur numërimi i votave preferenciale të kandidatëve ku deri tani janë numëruar 75 nga 1282 kuti votimi.
PS-ja ka marrë 19 mandate, çka do të thotë se do të fusë edhe 7 deputetë nga lista e hapur, përveç 12 deputetëve të listës së mbyllur.
Në listën e hapur deri tani më shumë vota ka marrë Blendi Gonxhja, i ndjekur nga Fatmir Xhafaj dhe Erion Braçe. Një vend në shtatëshen e parë është edhe për ministrin e Brendshëm, Ervin Hoxha, Orlando Rakipin dhe Anila Denajn.
Ajo që bie në sy është fakti që jashtë listës fituese deri tani janë emra si Pandeli Majko, Mimi Kodheli, Olta Xhaçka dhe Etilda Gjonaj.
Më i votuar tek PD mbetet Ilir Alimehmeti, ndërkohë që rifutet në Parlament Jorida Tabaku. Jashtë deri më tani ngelet Ilir Meta, Shpëtim Idrizi, Myslym Murrizi dhe Asllan Dogjani.
Sa i përket partive të vogla, Mundësia do të fusë në Kuvend të parin e listës së mbyllur, Agron Shehajn, ndërsa “Shqipëria Bëhet” do të çojë në Kuvend Adriatik Lapajn, i cili ka marrë më shumë vota se Endri Shabani.
Jashtë Kuvendit mbetet edhe Arlind Qori, pasi i pari i Lëvizjes Bashkë është Redi Muçi në Tirane.
》PS 7 mandate nga lista e hapur:
Blendi Gonxhja 5080 vota
Fatmir Xhafaj 1880 vota
Erion Braçe 912 vota
Ervin Hoxha 615 vota
Ornaldo Rakipi 569 vota
Anila Denaj 346 vota
Julinda Dhame 276 vota
》PD 2 mandate nga lista e hapur:
Ilir Alimehmeti 1,115 vota
Jorida Tabaku 996 vota












