Pavarësisht se pësoi një humbje katastrofë në zgjedhje, Sali Berisha nuk e ka plan të japë dorëheqjen. Prandaj “lista e mbyllur” e deputetëve u formua vetëm me “besnikët” e tij, në mënyrë që askush mos i kërkojnë largimin Sali Berishës.
Kandidati humbës për deputet i Partisë Demokratike, Basi Çollaku sulmon ata që kërkojnë largimin e Berishës, pasi sipas tij, nëse largohet Berisha, as shurrën s’do bëjmë dot pa lejen e Ramës.
“520 mijë votues besuan sërish “logos Berisha” me gjithë ortekun kriminal përballë. Prodhimet partiake të guzhinës Rama i dhanë një dorë shefit pa bërë as 24 orë opozitë ndaj tij. Madje më shumë turreshin kundër PD. Kohën e mundësinë për të folur ende gjysëm të lirë këtyre zahmetlinjve sërish ua mundëson Berisha me rezistencën ekstreme. Sepse diktatura e ndërtuar nga Rama i kurdis prej kohësh sipas portofolit, mendimtarët pro e kundër. Po të mos kishin shkuar pas Ramës “opozitarët” e rinj zelltarë ekonomie, do të ishim sot pa Ramën. Të ikë Berisha me 520 mijë vetë që mbajtën një shteg demokracie ende në këmbë. Të ikë. Dhe pastaj do jetoni në shtetin Rama ku edhe shurrën nuk do e bëni dot pa lejen e tij..”, shkruan Çollaku.
