Për Ilir Metën rindizen dritat e shpresës për të marrë një mandat në Parlamentin e ardhshëm.
Militantët e PL që nuk ja dhanë votat Ilir Metës, ish-presidenti mund t’ia japin dy emrat që ndodhen në listë të sigurt, Tedi Blushi dhe Erisa Xhixho. Të dy njerëz besnik të tij. I pari, i katapultuar në drejtimin e partisë, e dyta, nga emrat e paktë që i shpëtoi spastrimeve masive, sidomos të atyre që u konsideruan si grupi i Monika Kryemadhit. Për t’i shpërblyer besimin, ata tanimë duhet të bëjnë një “sakrificë” që të dy të japin dorëheqjen nga mandati.
Një lëvizje e tillë, do të mirëpritej edhe Partia Demokratike, e cila shton me një njeri të sajin, deputetët në parlament, ndërsa PL, e humbët një.
Me largimin e mundshëm dy përfaqësuesve të Partisë së Lirisë, i pari që përfiton është Alimehmeti, i dyti në listë, duke qenë se ka shumë më tepër vota se Ilir Meta, i cili e ndjek.
Një skenar i tillë, më shpejt se sa ulësen në parlament, do t’i jepte Ilir Metës lirinë nga paraburgimi, ku ai qëndron që prej tetorit të vitit të kaluar.
“Neni 71” i Kushtetutës përcakton se “mandati i deputetit fillon ditën që ai shpallet i zgjedhur nga komisioni përkatës i zgjedhjeve”. Në këtë mënyrë, Meta nuk pret konstituimin e parlamentit të ri në shtator, por e merr mandatin që me shpalljen nga Komisioni Qendror i zgjedhjeve dhe automatikisht i hap atij dyert e qelisë. Madje një situatë e tillë e favorizon, edhe nga një kërkesë e mundshme e SPAK-ut për autorizim për riarrestimin e tij, pasi kjo kërkesë nuk mund të shqyrtohet nga parlamenti aktual. Deri në shtator, mund të shijojë pa frikë lirinë./ Shqiptarja.com
