Magjistratja Elsa Ulliri do jetë kryesuesja e trupës gjykuese për dosjen “Partizani”, e cila tashmë ka kaluar për gjykim me të pandehur Sali Berishën, dhëndrin e tij Jamarbër Malltezi dhe 3 bashkëpunëtorët e tyre.
Elsa Ulliri (kryesuese) u zgjodh pas hedhjes së shortit ditën e sotme në ambientet e GJKKO-së, ndërsa Bib Ndreca dhe Rudina Palloi do të jenë anëtarë të trupës gjykuese.
Kjo treshe gjyqtarësh do të duhet të përcaktojë brenda 10 ditësh datën e seancës së parë të gjyqit në themel.
Ndaj Sali Berishës është ngritur akuza për kryerjen e veprës penale “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim.
