Avokati i Ilir Metës, Kujtim Cakrani deklaroi se Presidenti i Partisë së Lirisë do të lirohet shumë shpejt.
Sipas avokatit, SPAK nuk ka prova për ta mbajtur në burg Ilir Metën i cili më 10 qershor bën 1 vit si person nën hetim.
“Besoj se shumë shpejt Ilir Meta do të lirohet. Është ezauruar çdo veprim dhe kuptohet qartë që edhe SPAK-u është sforcuar shumë. Në datën 10 të këtij muaji bëhet 1 vit që zoti Meta është regjistruar si person nën hetim, kështu që besoj se është ezauruar çdo afat edhe procedurial. SPAK-u nuk ka çfarë provash të tjerë të mbledhë për zotin Meta. Besoj se brenda verës zoti Meta do të jetë person i lirë. Por, mos të harrojmë që çështjet politike janë shumë të vështira të çmontohen juridikisht”, tha Cakrani në A2 CNN.
