Kandidati i PD në qarkun Tiranë, Ilir Alimehmeti kërkoi rinumërimin e votave në qarkun Tiranë dhe të drejtën e ankimimit, por gjykata vendosi pushimin e çështjes.
Në Gjykatën Administrative të Apelit Tiranë, për llogari të Kolegjit Zgjedhor Gjyqësor vendosi pushimin e çështjes për shkak të mungesës së legjitimimit të palës ankuese.
Alimehmeti kërkoi të drejtën që të ankohet, pasi një kandidat nuk ka të drejtë të kërkojë hapje kutish në rast se nuk e kërkon partia.
Gjithashtu Kolegji Zgjedhor rrëzoi edhe kërkesën e kandidatit Aulon Kalaja. Ai e kishte dërguar kërkesën përmes Ballit Kombëtar.
Më parë Komisioni i Ankesave dhe Sanksionimit nuk legjitimoi kërkesën e katër kandidatëve të PD që kërkonin rinumërim në qarkun Tiranë dhe Durrës, mes tyre edhe Alimehmetit. Sipas KAS një kërkesë e tillë legjitimohet vetëm nëse vjen përmes subjektit politik. Ilir Alimehmeti, Mimoza Hajdarmataj, Lisandër Hoxha dhe Aulon Kalaja, ishin katër kandidatët që kërkuan rinumërim të votave.
