Sot është dita e gjashtë e rinumërimit të votave për partitë dhe kandidatët për qarkun e Tiranës ku deri tani janë hapur 606 kuti nga 1282 në total.
Pavarësisht se Berisha pretendon se i janë vjedhur zgjedhjet, PD vijon të ketë më shumë vota të pameritura (309 vota), me diferencë nga PS (223), që mund të jenë vota të pavlefshme ose të marra nga partitë e vogla.
Koalicioni Nisma Shqipëria Bëhet ka gjithashtu 33 vota të pamerituara, PSD 25, 17 Lëvizja Bashkë ndërsa Partia Mundësia ka 12. Këto vota u zbriten nga numërimi fillestar.
49 vota pa meritë ka edhe Ilir Meta, ndërsa Jorida Tabaku ka 65 vota pa meritë, por që nuk përbëjnë një ndryshim në rezultatin e mandatit që e fitoi përballë Alimehmetit. Deri më tani këto rezultate nuk prodhojnë një ndryshim në rezultate, por pritet hapja e të gjitha kutive.
