Apeli i Posaçëm shqyrton sot ankimin e Ilir Metës kundër vendimit të Shkallës së Parë të 26 qershorit, që vijoi masën “arrest në burg” ndaj ish presidentit.
Para nisjes së seancës në një deklaratë të shkurtër për mediat, avokati i Metës, Kujtim Cakrani u shpreh duke ironizuar Ramën: “Patjetër që do lirohet Ilir Meta, e ka thënë Ajatollahu sot, do ta lirojmë“.
Pak ditë më parë presidenti i Partisë së Lirisë Ilir Meta, ka bërë ankim në Gjykatën Kushtetuese ndaj vendimit të Gjykatës së Lartë që e la atë në arrest me burg.
Ish-presidenti Meta dhe ish-bashkëshortja e tij, Monika Kryemadhi janë marrë të pandehur nga SPAK për korrupsion, pastrim parash dhe mosdeklarim të pasurisë.
