Ish-ministri i LSI-së, Ylli Manjani komentoi “Kodin e ri Penal” i cili momentalisht po diskutohet si projektligj për t’u kaluar më pas të votohet në Kuvend.
Manjani tha se Kodi i ri Penal duhet të lehtësojë dënimet me gjoba dhe jo me burg, pasi sipas tij, nuk mund të dënohet me 10 vite burg dikush që shkrep armën në dasmë (një traditë e vjetër shqiptare).
“Qëllimi nuk është të kriminalizohet shoqëria, të futet shoqëria në burg, qëllimi është të edukohet. Nuk zgjidhet asgjë me pranga, kriminalizohet me pranga. Duhet patjetër që këtij ligji t’i shtrohet një kod kundravajtjesh administrative. Ka një sërë shkeljesh të cilat dënohen me gjoba, është shumë e thjeshtë. 10 vjet burg për armëmbajtje pa leje, a ndodh kjo në ndonjë vend të botës? 10 vjet burg po shkrepe armën në dasmë, e kuptoni apo jo?!” -tha Manjani
