Një tjetër aksident rrugor është regjistruar pak minuta më parë në autostradën Lushnjë – Fier, në vendin e quajtur “Vaikan”.
Sipas informacioneve paraprake, një automjet tip “Benz” ka humbur kontrollin, ka dalë nga rruga dhe është përmbysur në kanalin anësor.
Fatmirësisht, drejtuesi i mjetit dhe dy pasagjerët që udhëtonin me të kanë shpëtuar pa lëndime serioze.
Në vendngjarje ndodhet policia dhe grupi hetimor, të cilët po punojnë për të përcaktuar shkaqet e aksidentit.
