Analisti Andi Bushati e ka quajtur “legenllëk këshilltarësh” veprimin e socialistëve të bashkisë që i bënë gati “letrat” Erion Veliajt për ta shkarkuar.
Sipas Bushatit, Edi Rama është ai që donte të hiqte qafe Veliajn si politikan. Analisti demokrat shton më tej se kryesocialisti Edi Rama yshti SPAK-un, mori frenat e bashkisë dhe tani po e shkarkon.
“Rama që yshti SPAK, ai që mori frenat e bashkisë dhe tani që shpalli shkarkimin tij. E vetmja surprizë është legenllëku i këshilltarëve bashkiakë. Ata janë pjesë e skuadrës së Veliajt, që na kanë shurdhuar për mrekullinë në Tiranë, 5 Majin, prishjen e teatrit, e kanë ngritur Veliajn lart sa s’imagjinohet ta bëjnë njerëz normal, janë të njëjtët që me një firmë mohojnë dinjitetin e tyre. Rama s’do ta ndëshkojë fizikisht Veliajn, por do ta hiqte qafe si politikan. Nga SPAK deri tek anëtarët e këshillit bashkiak. Shqetësimi s’është qytetari apo punët e Tiranës, por të përfundojë ciklin politik të goditjeve të Veliajt. Fakt politik, kemi një kryeministër që e ka hedhur përtej kufizimin e detyrës së tij, bën kryebashkiakun, kreun e SPAK“, tha Bushati.
