Shefja e Komisionit Europian, Ursula von der Leyen nuk e ka fshehur vlerësimin për Shqipërinë, për ecurinë e vendit në rrugën e vet europiane. Në një konferencë të përbashkët me Edi Ramën nga Kryeministria, ajo tha se ecuria në këtë proces është e merituar.
E pyetur nga gazetarja për hapjen dhe mbylljen shumë të shpejt të grupkapitujve të integrimit, Ursula von der Leyen thekosi se Shqipëria ka ecur shume shpejt dhe ashtu do t’i përmbyllë edhe ato që kanë mbetur.
“Ky është avantazhi i një procesi që bazohet në merita. Shqipëria ka bërë kaq shumë në zbatimin e tyre. Unë jam e bindur që kështu do të jetë edhe në pjesën e dytë, mbyllja e grupkapitujve. Shqipëria e ka kuptuar, ne e duam këtë proces dhe ju po tregoni mjaft mirë sesa ambicioz mund të jeni në hapjen e grupkapitujve, po aq edhe në mbyllje”, u shpreh ajo.
E njëjta pyetje ju drejtuar dhe Edi Ramës. Kryeministri u përpoq të tregohej modest në sy të shefes së Komisionit Europian, duke deklaruar se Shqipëria i ka bërë detyrat e veta, jo sepse i ka kërkuar Europa, por për të arritur drejt një shteti plotësisht funksional dhe demokratik.
“Kur thuhet 2027 do të thotë që brenda 2027 do të mbyllen kapitujt. Pritshmëria është që brenda 2027 të mbyllen kapitujt dhe ne nga ana jonë që t’ia dalim kësaj, duhet të bëjmë të gjitha detyrat këtu, dhe ato janë të mirëpërcaktuara. Nëse sot ne marrim një vlerësim kaq pozitiv, kjo vjen si rezultat i detyrave të bëra deri tani. Detyrat ne nuk i bëjmë se na i kërkon BE, as që të kënaqim ata që nesër do të na miratojnë anëtarësimin në Parisë, apo në Berlin apo… se me erdhi të them Londër, por Londra ka ikur në drejtim të paditur. Ç proces këtu, e bën Shqipërinë më funksionale si shtet”, tha Rama.
