Shtetasit shqiptarë do ë udhëtojnë pa viza drejt Marokut, pas vendimit të autoriteteve për heqjen e vizave për qytetarët e Republikës së Shqipërisë.
Ambasada e Mbretërisë së Marokut, e akredituar në Shqipëri me seli në Romë, ka njoftuar Ministrinë për Evropën dhe Punët e Jashtme për vendimin e marrë nga autoritetet kompetente marokene.
Sipas Ministrisë, vendimi hyn në fuqi më 15 gusht 2026. Heqja e vizave vlen për shtetasit shqiptarë që udhëtojnë drejt Mbretërisë së Marokut për qëndrime afatshkurtra, duke lehtësuar kështu lëvizjen e qytetarëve shqiptarë drejt këtij vendi.
