Sekretariati i Etikës u mblodh sot për të shqyrtuar kërkesën e Partisë Socialiste e cila kërkoi përjashtimin e Berishës nga Kuvendi, pas ofendimeve të tij ndaj ambasadorit të BE-së në Shqipëri, Silvio Gonzato.
Mësohet se Sekretariati i Etikës vendosi të përjashtojë kreun e PD-së, Sali Berisha me 10 ditë nga Kuvendi.
Kujtojmë se kërkesa e socialistëve për përjashtimin e Berishës nga Kuvendi erdhi pas kritikave që Sali Berisha drejtoi ndaj ambasadorit të BE-së, Silvio Gonzato, në lidhje me projektligjin për barazinë gjinore, ku e akuzoi diplomatin se “po imponon bindjet e tij bipolare” në debatin parlamentar.
