Vetëm tre ditë pasi refuzoi të shkonte në SPAK për ngjarjen e 21 Janarit, Sali Berisha do të paraqitet sot në ambientet e SPAK-ut në zbatim të masës “detyrim paraqitje” për dosjen Partizani.
Berisha është marrë i pandehur dhe do të gjykohet për akuzën e korrupsionit pasiv të zyrtarëve të lartë pasi akuzohet nga SPAK se në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij, Jamarbër Malltezi.
Edhe Malltezi është nën akuzë për korrupsion por edhe për pastrim parash. Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij./ Newsbomb.al
