Juristi Kreshnik Spahiu ka paralajmëruar një zhvillim të vrullshëm gjatë periudhës së fundvitit.
Gjate intervistës në “Report TV”, Spahiu tha se shqiptarët për festat e fundvitit do të marrin lajmin e keq, pasi sipas tij, dyshja Rama-Berisha do të bashkojnë votat në Kuvend për të ndryshuar Kushtetutën.
“Kam një lajm të keq për shqiptarët në fundvit, ateherë kur gjithçka kalon në heshtje larg vëmendjes së nderkombetarëve. Berisha do t’i japë votat Edi Ramës ne Kuvend për të ndryshuar Kushtetutën. Prognoza ime eshtë që Kushtetuta e Republikës do të ndryshojë me votat e Edi Ramës dhe Sali Berishës. Dyshja do të bëhet bashkë në prag të festave të fundvitit, moment kur edhe ambasadoret e huaj të jenë pushim“, tha Spahiu.
