Ish-deputeti i Partisë Socialiste, Piro Lutaj ka shpërthyer me akuza e ofendime kundër ish-kolegut të tij, Erion Braçe, i cili dhe pse deputet i PS-së, shpeshherë luan dhe rolin e opozitarit.
Reagimet e ashpra të Lutajt, u nxitën nga dëgjesa e Ministrisë së Bujqësisë në Komisionin e Ekonomisë, ku Braçe për asnjë moment të vetëm nuk kurseu ministrin Andis Salla, referuar buxhetit dhe politikave për sektorët e bujqësisë dhe blegtorisë.
Piro Lutaj shkruan se vetëm Edi Rama mund ta emëronte zv/kryeministër të Shqipërisë dhe se gjithë jetën e tij ka punuar vetëm 1.5 vite në administratën shtetërore.
“Fare shkurt për dikkë që vetëm Edi Rama mund ta emëronte ZV.Kryeministër të Shqipërisë! Po po! Vetëm Edi Rama! Për Kastravecopatllixhanistin e PS! Ti që aludon për barkun tim, po të them se barku dhe dejet e mija sociale, shoqërore dhe politike jane në proporcion te drejte me mundin dhe djersen time prej gati 45 vjetësh në shërbim të Shtetit Shqiptar!
Nderkohë ky lehësi që për hirë të së vërtetes e bënë shkëlqyshëm punën e lehësit ka punuar në administaten e Shtetit Shqiptar vetëm 1.5 vjet në detyrën e Zv, Kryeministrit të Republikës së Shqipërisë dhe do të mbahet mënd vetëm për marrje të mungesave në Dogana e Tatime, madje i kamufluar si një bythec i neveritshëm që vetëm pse ju bëlbëzon në vesh atyre lart dhe kënaqet me dëmet që ju shkakton atyre poshtë, i duket vetja i suksesshëm!!! Për këto do të mbahet mënd ky”, shkruan nder te tjera Piro Lutaj.
