Gjatë fjalës së tij në Kuvend, kryeministri Edi Rama ka ironizuar deputetin e PD-së Flamur Noka për besnikërinë e tij ndaj kreut të PD-së Sali Berisha.
Rama tha se Nokës për besnikëri, mund t’i afrohet vetëm Shefqet Peçi, i cili është konsideruar si një nga ushtarakët më besnikë të diktatorit Enver Hoxha.
“Faleminderit për lehtësimin që i bëni fjalimit tim, më mirë shpina sesa fytyra. Dua të them se jam thellësisht i prekur nga konstatimi i zotit Noka, i cili akuzoi kryetarin e Kuvendit për besnikërinë ndaj partisë, ndërkohë që zoti Noka e ka besnikërinë ndaj kryetarit të partisë monopol që nuk ka monopol që ia vë në dyshim këtë monopol. Madje unë do e quaja Besnik Flamur Noka. Kështu që Niko është një botë larg teje Flamur, ndaj mos e ki hiç merak, me historinë e Shqipërisë mund të të afrohet vetëm Shefqet Peçi, kurse në historinë e botës je rrotë me rrotë me Lej Fenin”, tha Rama.
Shefqet Peçi është gjyshi i deputetit të Partisë Socialiste Tërmet Peçi. Ky i fundit në një intervistë mediatike, tha se ndjeheshe krenar për gjyshin e tij.
