Anulohet mbledhja e qeverisë e cila ishte planifikuar për t’u zhvilluar ditën e premte në mëngjes.
Qeveria Rama nuk ka patur asnjë qëndrim ndaj vendimit të Gjykatës së Posaçme e cila pezulloi nga detyra zv/kryeministren dhe ministren e Infrastrukturës dhe Energjisë, Belinda Balluku, por efekti i parë i drejtëpërdrejtë, është anulimi i një mbledhjeje të kabinetit qeveritar, e parashikuar në orët e para të ditës së premte.
Mbledhja tashme e anuluar do të duhej të drejtohej pikërisht nga Balluku, pasi kryeministri Edi Rama do të marrë pjesë në Samitin për Planin e Rritjes të BE për Ballkanin Perëndimor, që mbahet në Tiranë.
