Çmimet e apartamenteve në Tiranë kanë hapur një diskutim për ekspertët e ekonomisë dhe agjentët, por edhe banorët.
Pyetja kryesore është se çfarë do të ndodhë me vlerën e pronës në Shqipëri, nëse do të rritet apo do të bjerë.
Sipas agjentëve imobilarë dhe ekspertëve do të ketë një rënie të çmimeve në vitet që pasojnë. Agjenti imobilar, Armand Shkëmbi, i ftuar në Tv Klan u shpreh se 10 mijë apartamente në Tiranë do të nxirren në shitje.
“2026 do të jetë vit i vështirë për tregun imobilar. Shtatë mijë deri në 10 mijë prona do të dalin në shitje duke nisur nga janari 2026, që do vënë në vështirësi apartamentet që janë në shitje. Dalin, sepse pronarët kanë pritur që të paguajnë më pak taksa, që të dalin në treg e t’i shesin“, tha agjenti.
Nga ana tjetër eksperti i ekonomisë Klodian Muço shprehet se çmimi i banesave në 2027 do të bjerë.
Eksperti Klodian Muço: “Do bien çmimet në Tiranë, jo në bregdet. Në 2027 flitet që vendi të marrë masa që paraja të kanalizohet në kanalet bankare. Të gjithë ju që mërreni më ndërtime e keni shumë të qartë që ato vlerat 4 mijë, 5 mijë apo 2 mijë nuk i ble qytetari i thjeshtë, blihen me para që vijnë nga ekonomia informale, korrupsion, evasion, kriminale, por vijnë nga paraja cash. Në momentin kur bankat ose shteti ka si objektiv primar që këto para do kanalizohen në sistemin banker do të bllokohen“
