Avokati Saimir Vishaj ka fituar betejën me kancerin.
Saimir Vishaj përmes rrjeteve sociale thekson se operacioni i fundit u krye me sukses ndërsa falenderon të gjithë miqtë që e mbështetën.
Avokati shprehet se nuk ka pasur kurrë frikë nga vdekja por nga hija e saj. Pas betejës 9 mujore me sëmundjen, Vishaj thotë se triumfoi jeta.
“Më në fund operacioni doli me sukses. Faleminderit të gjithë miqve, ata që i njoh dhe ata që nuk i njoh për mbështetjen e tyre si dhe ngritjen e moralit në këtë operacion të fundit në trupin tim. Ju jam mirënjohës. Ju uroj shëndet dhe mbarësi në familjet tuaja. Nuk kam pasur frikë nga vdekja por nga hija e vdekjes. Kanceri u zhduk përgjithmonë nga trupi im. Do ta dua më shumë jetën dhe do ta jetoj atë ashtu si ju, pa mërira, zënda, por me buzëqeshje. Mu deshën 9 muaj luftë midis vdekjes dhe jetës. Triumfoi jeta. Tashmë duhet ta gëzoj me miqtë e mi. Ju uroj shëndet dhe mbarësi në familjet tuaja.”-shprehet Vishaj.
