Nuk ka qetësi në mbledhjen e Kryesisë së PD-së pasi Flamur Noka dhe Sali Berisha janë përplasur verbalisht me Ervin Salianjin i cili ka nisur një kryengritje.
“Me këtë që bën, je duke bashkëpunuar me ata që kemi përballë”, i tha Noka – Salianjit, duke iu referuar turit të Foltores së këtij të fundit, me strukturat e partisë.
Salianji i është përgjigjur duke i thënë jep dorëheqjen Flamur dhe se e ke shkatërruar partinë.
”Avokati i Popullit është tërësisht përgjegjësi e jotja. Sot mendova se e kishim mbledhjen për të rrëzuar Ramën, e paskeni me mua. Po e zhvendosni vëmendjen plotësisht nga Rama”, mësohet të ketë thënë më tej Salianji.
Debati mes Nokës dhe Salianjit është zhvilluar me tone të larta, deri në pikën që dyshja dëgjohej në korridoret e selisë blu, jashtë sallës së takimit.
