Kryengritja e nisur nga Salianji po jep efektet e para pasi gjatë mbledhjes së Kryesisë së PD, Agron Gjekmarkaj ka vendosur në dispozicion “dorëheqjen” e tij nga posti i nënkryetarit të partisë.
Lajmi është bërë i ditur nga anëtari i Kryesisë, Bislim Ahmetaj i cili ka lënë të nënkuptohet se Gjekmarkaj ka ofruar dorëheqjen nga funksioni drejtues në PD.
Në reagimin e tij, Ahmetaj ka kërkuar gjithashtu dorëheqjen e Gazment Bardhit dhe Flamur Nokës me arsyetimin e ngatërresave lidhur me firmat mbështetëse për kandidaturën e Endri Shabanit si Avokat i Popullit.
Burime të “Euronews Albania”, bëjnë me dije se gjatë mbledhjes, Agron Gjekmarkaj ka theksuar se: “Unë e ofroj dorëheqjen nga posti partiak. Si moment reflektimi, nëse i shërben PD-së për të treguar përgjegjshmëri në këtë moment jo të lehtë”.
