Deputeti Flamur Noka komentoi debatin që zhvilloi me ish-deputetin Ervin Salianji në mbledhjen e kryesisë së PD-së.
Sipas burimeve në mbledhjen me dyer të mbyllura Noka pati një përplasje me Salianjin. Flamur Noka iu drejtua Salianjit me akuza të forta, duke i thënë se veprimet e tij “po u shërbejnë atyre që i kanë përballë”.
Nga ana tjetër, Ervin Salianji reagoi ashpër, duke i kërkuar Nokës dorëheqjen pasi e akuzoi se ai e ka shkatërruar PD-në.
Lidhur me debatin Noka, tha: “Tani unë po flas këtu për axhendën e demokratëve dhe të opozitarëve, ju po flisni për axhenda jashtë partiake që janë në shërbim të qeverisë. Por sot dorëheqja e vetme që kërkohet nga gjithkush është dorëhqeja e Ramës. Dorëheqja ime apo dikujt tjetër këtu qetëson vetëm një gjë, Ramën dhe shërbëtorët e tij”.
