Një lajm i trishtë ka mbërritur këtë të martë, ku është ndarë nga jeta në moshën 49-vjeçare Sekretarja e Përgjithshme e Shoqatës Mikrofinanca Shqiptare, Brunilda Isaj.
Lajmi për ndarjen e saj të parakohshme nga jeta është bërë i ditur nga miqtët dhe kolegët, të cilët kanë shprehur ngushëllimet më të sinqerta për familjen në këto momente të vështira dhimbjeje.
Humbja e Brunilda Isajt ka lënë një dhimbje të thellë te familjarët, miqtë dhe kolegët e saj, ndërsa dhimbja më e madhe mbetet për fëmijët e saj, të cilët humbën njeriun e tyre më të dashur.
Brunilda Isaj kishte një përvojë shumëvjeçare dhe një histori të spikatur suksesi në sistemin bankar dhe financiar shqiptar. Ajo ka mbajtur pozicione të ndryshme drejtuese, me fokus zhvillimin e biznesit dhe përfaqësimin në nivele të larta ekzekutive.
