Sali Berisha zhvilloi një takim në selinë blu me eurodeputetin Michael Gahler, i cili është gjithashtu edhe koordinatori i Grupit Parlamentar të Partisë Popullore Europiane në Parlamenti Europian.
Ka qenë vetë Berisha ai i cili ka zbuluar më tepër detaje lidhur me këtë takim. Sipas Berishës, ai i shprehu politikanit europian shqetësimet e opozitës, duke i përmendur kështu edhe skandalin e AKSH-it, të cilën e ka krahasuar me dosjen famëkeqe të “Epstein”.
“Po ashtu bëra edhe një panoramë të skandalit të AKSHI-t dhe përfshirjen direkt të Kryeministrit me familjarë të tij në këtë aferë të rëndë, e cila për Shqipërinë tejkalon aferën Epstein jo vetëm si akt korruptiv, por edhe sepse prek një pjesë themelore të superstrukturës shtetërore, përfshirë këtu sigurinë kibernetike”, shkruan Berisha.
