Bordi i Transparencës ka vendosur që të tregojë një “zemërgjerësi” ndaj qytetarëve shqiptarë, duke ulur sërish çmimet e karburanteve në vend.
Në mbledhjen e zhvilluar sot, bordi vendosi që nafta të tregtohet me 195 lekë për litër, ose 2 lekë më pak krahasuar me çmimin e përcaktuar në mbledhjen e fundit. Po ashtu, edhe benzina ka pësuar ulje me 4 lekë, duke u vendosur në nivelin 182 lekë për litër për konsumatorët.
Çmimet e reja kanë hyrë në fuqi sot, më 23 maj, në orën 13:20 dhe do të mbeten të vlefshme deri në mbledhjen e ardhshme të Bordit të Transparencës, ku do të pasqyrohen ndryshimet e reja në treg.
