Nënkryetari i PD, Agron Gjekmarkaj ka votuar në selinë blu, në zgjedhjet për kryetarin e partisë.
Pas votimit, Gjekmarkaj komentoi mungesën e garës, duke deklaruar shkurtimisht se “po të kishte garë do të bënim garë”, ndërsa shtoi se në kushtet aktuale procesi i nënshtrohet “ligjeve të referendumit”.
“Po të kishte garë do të bënim garë. Pa garë i nënshtrohemi ligjeve të referendumit!”, shtoi Gjekmarkaj për gazetarët.
Demokratët po votojnë këtë të shtunë për zgjedhjen e kreut të PD-së, ndërsa procesi po zhvillohet në selinë qendrore dhe degët e partisë në të gjithë vendin.
Emri i Sali Berishës është i vetëm në fletën e votimit, ndërsa kandidatët e tjerë u përjashtuan nga gara.
