Kryeministri Edi Rama, gjatë një interviste për median e njohur Deutsche Welle (DW), ka komentuar situatën politike në vend, si dhe procesin e integrimit të Shqipërisë në Bashkimin Europian.
Rama u ndal edhe te protestat, duke theksuar sërish se dorëheqja nuk ka qenë dhe nuk do të jetë një opsion për të, pasi është mandatuar nga 868 mijë shqiptarë.
“Dhe ndërkohë, dorëheqja nuk ka qenë, nuk është dhe nuk do të jetë opsion për një arsye shumë të thjeshtë: sepse unë jam mandatuar, së bashku me Partinë Socialiste, nga 868 mijë shqiptarë për të realizuar misionin e mbylljes së negociatave për anëtarësim në Bashkimin Europian”, theksoi ai.
Sa i përket problematikave që kanë bërë që shqiptarët të dalin në protestë, kreu i qeverisë këmbënguli sërish se opinioni publik po manipulohet.
