Qeveria Rama vendosi shkarkimin nga detyra të zëvendësministres për Evropën dhe Punët e Jashtme, Vilma Premti.
Vendimi i lirimit nga detyra u firmos nga kryeministri Edi Rama dhe hyn në fuqi menjëherë teksa botohet në “Fletoren zyrtare”.
Vilma Premti mbante postin e zëvendësministres për Evropën dhe Punët e Jashtme që prej 15 tetorit 2025, pas një eksperience pune 22 vjeçare në administratën publike dhe sektorin bankar.
Këshilli i Ministrave miratoi gjithashtu ndryshime në disa vendime që lidhen me personat me aftësi të kufizuara, mbrojtjen sociale, Policinë e Shtetit, gratë e papuna me tre ose më shumë fëmijë dhe masat për hartimin e legjislacionit penal në kuadër të integrimit europian.
