Në ditën e 60-të të protestës qytetare, ku dhjetëra persona janë bërë sërish bashkë në zemër të Tiranës, kryeministri Edi Rama ka publikuar dy pasqyra ku zbulohen se sa hapësirë mediatike i kushtohen Partisë Socialiste në mediat shqiptare, me në fokus televizionet.
Gjithashtu, nga postimi i Ramës del në pah se opozita ka mbizotëruar në edicionet e lajmeve gjatë muajit qershor të këtij viti.
“Nga kjo hapësirë mediatike, PS mori 36.05% të kohës së transmetimit, ndërsa opozita në tërsi 63.95%” shkruan kryeministri i vendit njëherazi dhe kryesocialisti Edi Rama, në postimin e bërë pasditen e sotme.
Më tej, në postimin e tij përmes së cili zbuloi se raporti i AMA-s nxjerr në pah që opozita ka kryesuar edicionet e lajmeve, Rama thekson se Shqipëria nuk ka asnjë lidhje me autokracitë apo regjimet.
Po ashtu, kryeministri shkruan se postimin e dy pasqyrave e bëri që të dëshmojë për personat që nga pyesin se “Pse nuk përmbyset regjimi?”, që diçka të tillë e mendojnë ata që nuk dinë këndim të Shqipërisë.
“ Këto dy pasqyra, të cilat vijojnë të tregojnë me fakte kokëforta të bazuara në matje jo në perceptime, se Shqipëria nuk ka asnjë lidhje me autokracitë e me kinse regjimet – ku sorrat dhe korbat politike e mediatike e fusin përditë e përnatë me krrakrratë e tyre – vendosa t’i postoj vetëm si pasqyra të mjerimit intelektual të dështakzemërakëve, të cilët i kërkojnë papushim kudo (e sidomos te unë arsyet) pse “regjimi” nuk përmbyset, përveçse aty ku arsyeja është: Te mjerimi i tyre që sheh regjim se s’di këndim të Shqipërisë.
***Sipas monitorimit të Autoritetit të Mediave Audiovizive (AMA), gjatë muajit qershor 2026, partitë politike patën në dispozicion 402.47 minuta mbulim në edicionet kryesore të lajmeve” shton më tej Rama.
Nga ana tjetër, qytetarët janë bërë sërish bashkë poshtë zyrë së kryeministrit duke vijuar me protestën e tyre në ditën e 60-të, ku u qëndrojnë të njëjtave kërkesa, në mesin e tyre: ndryshimin e klasës politike shqiptare.
Postimi i kryeministrit Edi Rama:
