“Mirë se të gjeta, Shqipëri!”. Me këtë përshëndetje në gjuhën shqipe, ambasadorja e re e Delegacionit të Bashkimit Europian në Shqipëri, Sofia Moreira de Sousa, ka nisur misionin e saj në vendin tonë.
Përmes një videoje të publikuar në rrjetet sociale nga Tirana, Moreira de Sousa shpreh mbështetjen e Bashkimit Europian për rrugëtimin e Shqipërisë drejt anëtarësimit, ndërsa vlerëson mikpritjen dhe bukuritë e vendit.
“Krenare që nis misionin tim si Ambasadore e re e BE-së në Shqipëri. Mbështetja e rrugëtimit të vendit drejt Bashkimit Evropian do të jetë në qendër të misionit tim dhe mezi pres të punoj me të gjithë ju për arritjen e këtij qëllimi”, shkruan ambasadorja krahas videos.
