Pas publikimit dhe shpërndarjes së videove intime në rrjetet sociale, këngëtarja Eli Fara ka reaguar sërish përmes një postimi në Instagram Story. Fara ka shpërndarë mesazhin e një ndjekësi që e mbështet dhe dënon publikimin e materialeve private,
Ndryshe nga reagimi i saj i parë, kur Fara bëri denoncim në polici dhe në deklarimet e saj publike nuk e adresoi drejtpërdrejt Adi Hilën, këtë herë duket se këngëtarja i jep hapësirë një qëndrimi që e përfshin atë në ngjarje.
“Dhe Adi Hila, që ka bërë videon, ka bërë pikërisht atë që do të bënte thuajse çdo mashkull shqiptar, për t’u mburrur me shokët apo miqtë se me çfarë femrash merret”, thuhet në mesazhin e shpërndarë nga këngëtarja.
“Eli nuk ka bërë asgjë të shëmtuar apo të keqe. Ka bërë atë që ka pasur dëshirë të bëjë me trupin dhe ndjenjat e saj. Ne si popull e kemi tabu seksin”, thuhet më tej.
Ky reagim i fundit tërheq vëmendjen pasi vjen pas denoncimit të bërë nga këngëtarja në polici dhe duket se shënon një qëndrim më të drejtpërdrejtë ndaj pretendimeve për personin që, sipas mesazhit të publikuar prej saj, ka realizuar videon.
