Kryeministri Edi Rama do t’u ofrojnë mundësi të rinjve që të hyjnë në sektorin publik me paga më të mira. Gjatë takimit me studentët ekselentë, Rama i premtoi të rinjve që Shqipëria do të pësojë ndryshime të mëdha në fushën e teknologjisë, ku sektori publik do të ofrojë paga më të mira se privati.
“Do të rrisim pagat dhe në sektorin publik. Po bëjmë një studim për të krijuar një piramidë alternative të pagave sa i përket aftësive profesionale dhe teknike të posaçme duke filluar nga teknologjia dhe nuk mundet të jemi një vend që mund t’i realizojë ato ambicie për Shqipërinë e 2030.
Ne do t’i ofrojmë të rinjve mundësinë që të hyjmë në sektorin publik dhe të shërbejnë si inxhinierë të teknologjisë së lartë me paga më të mira sesa në privat. Duam të përshpejtojmë procesin e integrimit. Shqipëria po hyn në një fazë tjetër në aspektin e pagave dhe shpërblimit të aftësive. Sektori privat po e kupton se për të mbajtur burimet njerëzore duhet të jetë më konkurrues në aspektin e pagave dhe më pas në të produktivitetit”, tha Rama.
