Kryeministri Edi Rama nuk ka ngurruar t’i cilësojë disa media amerikane si ‘kazan’, ashtu si më herët ka quajtur mediat shqiptare.
Duke folur për shkrimet e mediave në SHBA mbi çështjen “McGonigal”, Rama tha se nuk ka Zot në tokë që e blen Amerikën.
Fevziu: A keni gisht te shpallja non grata e Berishës?
“Deri dje unë e bëja këtë nëpërmjet Sorosit. Tani iku Sorosi. Tani doli ky, nëpërmjet këtij unë kam kapur sekretarin e shtetit. Sikur SHBA-të të bliheshin dhe të shiteshin do ishin prej kohësh leckat e fuqive të naftës. Do i kishin blerë, do i kishin shitur dhe do i kishin bërë leckë. Sikur Amerika të lobojë kështu, po të them që do ishte bërë leckë për të fshirë këmbët planeti. Ku ka Zot në tokë që e blen Amerikën, nuk ekziston.
Akuzat nga mediat amerikane? Ato janë kazanë të llojit të tyre. Kujton se Amerika nuk ka kazanët e vetë. Ndërkohë që gazeta serioze e referojnë me shumë korrektësi duke u bazuar te aktakuza. Jam kryeministri i Shqipërisë dhe patjetër do më përmendin emrin”, tha Rama.
