Kryeministri Edi Rama tha se është një nevojë kombëtare rritja e pagave dhe pensioneve, ndërsa konfirmoi se kush merr pagë deri në 500 mijë lekë të vjetra nuk do të paguajë asnjë tatim mbi fitimin.
Qeveria nuk është tërhequr as nga rritja e pensioneve dhe në muajin prill do të aplikohet rritja me të ardhurat që vijnë nga taksa e jashtëzakonshme e prodhuesit të energjisë.
“Kemi bërë një hap të rëndësishëm për rritjen e pagës për mjekët specialistë që më në fund duke filluar nga muaji prill do të shpërblehen sipas pagave të larta të rajonit. Jemi barazuar me Serbinë në pagë, jemi mbi Kosovën dhe në një mesatare të lartë. Nga ana tjetër me ligjin për tatimin për të ardhurat personale heqim tatimin për pagat deri 500 mijë lekë të vjetra”, tha Rama.
