Kryeministri i vendit, Edi Rama pas përfundimit të mbledhjes me drejtuesit e qarqeve ka dhënë një deklaratë për mediat duke komentuar disa çështje nga aktualiteti politik.
I pyetur nga gazetaret nëse Shqipëria do ta ndihmojë Kosovën me forca policore për shkak të situatës në veri, Rama kishte një përgjigje të prerë.
“Për çfarë arsye duhet ta ndihmojë Shqipëria me forca policore dhe për çfarë arsye Kosova që është një shtet sovran duhet të ketë forca policore në territorin e saj, që është territor integritetin e të cilit e mbron një bashkësi e tërë ndërkombëtare”, tha Rama.
