Kreu i Lëvizja Bashkë, Arlind Qori, ka folur hapur për ambiciet e tij politike apo për kandidimin si kryetar i Bashkisë së Tiranës.
Arlind Qori ka treguar se do të jetë një kandidat nga partia e tij, por se kush, atë do ta vendosë Këshilli Koordinues, por ai tregon se nuk do ta refuzonte si propozim.
“Do të kemi një kandidat, po se kush do të jetë është këshilli koordinues i ‘Lëvizjes bashkë’ që do të vendosë. Unë jam gati të marrë çdo detyrë që më ngarkohet”, tha Qori.
Deri më tani për Bashkinë e Tiranës, vetëm një kandidaturë është bërë zyrtare, ajo e socialistes Ogerta Manastirliu. Ende nuk ka emra nga kampet e tjera politike, ndërsa mbetet për tu parë se kush do të garojë përballë Manastirliut për vendin e drejtuesit të Tiranës.
