Një aksident automobilistik ka ndodhur mbrëmjen e sotme në aksin kombëtar Korçë-Pogradec, pranë Maliqit.
Përmes një njoftimi, Policia bën të ditur se një 65-vjeçar që lëvizte me biçikletë është përplasur nga një automjet tip “Volkswagen”.
Po ashtu bëhet e ditur se 65-vjeçari u dërgua për mjekim në spitalin e Korçës, ku ndodhet në gjendje të rëndë shëndetësore.
Me drejtuesin e automjetit po kryhen veprimet e mëtejshme procedurale, ndërkohë që grupi hetimor po punon për përcaktimin e shkaqeve të aksidentit.
