Deputeti i Partisë Demokratike, Gazment Bardhi, ka reaguar për zgjedhjen e Altin Dumanit në krye të SPAK.
Në një postim në Tëitter, Bardhi thotë se kreu i ri i SPAK duhet të qëndrojë jashtë kontrollit të politikës.
“Për shkak të garancisë së SHBA, ligji për strukturën e SPAK-ut është i vetmi nga paketa e Reformës në Drejtësi, i miratuar me konsensus PS-PD. Edhe pse ende SPAK-u nuk është në lartësinë e pritshmërisë së shqiptarëve për t’i dhëne fund pandëshkueshmërisë në nivele të larta të qeverisjes, ai duhet të mbështet të ecë përpara dhe të qëndrojë jashtë kontrollit të politikës. Lufta reale pa kompromis kundër korrupsionit dhe krimit të organizuar mbetet e vetmja shpresë që vendi të ecë përpara”, shkruan Bardhi.
