Sekretari i Partisë së Lirisë, Tedi Blushi deklaroi se “Koalicioni për Shqipërinë Madhështore” i udhëhequr nga Sali Berisha do të fitojë zgjedhjet e “11 Majit”.
Blushi shtoi se Ilir Meta do të jetë deputeti më i votuar në qarkun e Tiranës, kurse nga Partia e Lirisë do të jenë në total në Parlamentin e ri 12 deputetë.
“Fitorja e Koalicionit të Shqipërisë Madhështore është e padiskutueshme, synojmë të marrim 84 mandate. Ilir Meta do të jetë deputeti më i votuar në qarkun e Tiranës. 12 maji do të jetë dita e llogaridhënies për Edi Ramën. Partia e Lirisë do të ketë 12 deputetë në Kuvendin e ri. Ne duam të shembim këtë narko-shtet”, tha Blushi.
REALITETI – Nga mëngjesi në darkë, dyshja Meta-Berisha thonë se më “11 maj” opozita do ta përmbysë qeverinë, por realiteti është krejt i kundërt pasi Edi Rama sipas të gjitha sondazheve po shkon i sigurt drejt fitores së mandatit të katërt.
