Astronautët e anijes kozmike Artemis II kanë parë për herë të parë anën e largët të Hënës, ndërsa anija Orion i afrohet më shumë Hënës.
NASA publikoi imazhe nga dita e katërt e misionit, më 5 prill, ku ekuipazhi pati mundësinë të shihte një pamje të rrallë të Tokës dhe të Hënës në të njëjtën kohë. Specialistja e misionit Christina Koch e përshkroi këtë moment si “absolutisht mahnitës”.
Anën e largët të Hënës nuk është e mundur ta shohim nga Toka, pasi gjithmonë është e kthyer nga planeti ynë. Edhe misionet Apollo nuk mundën ta vëzhgonin plotësisht këtë pjesë për shkak të kushteve të ndriçimit. Astronautët theksuan se njollat më të errëta dhe peizazhet ndryshojnë ndjeshëm nga pamja e zakonshme e Hënës që shohim nga Toka.
Gjatë fluturimit historik, ekuipazhi pritet të zbulojë edhe zona të tjera të papara më parë. Astronauti Reed Wiseman tha se aftësia për të parë Tokën dhe Hënën në të njëjtën kohë është “vërtet mahnitëse”, duke theksuar se kjo pamje mund të arrihet vetëm nga një pikë e saktë midis dy trupave qiellorë, ku Toka është në eklips pothuajse të plotë, ndërsa Hëna pothuajse e ndriçuar.
