Avokati Kujtim Cakrani u shpreh në “Top Story” se klienti i tij, Ilir Meta, nuk ka asnjë dijeninë për kontratën e lobimit pr të cilën akuzohet nga SPAK.
Sipas avokatit, një anëtar i Partisë së Lirisë, që quhej në atë kohë Lëvizja Socialiste për Integrim, ka bërë kontratën pa vënë në dijeni Ilir Metën.
Kujtim Cakrani: “Po bëni sikur këto para i ka marrë Meta. Paratë kanë shkuar për lobim. Zoti Meta nuk di asgjë. Kontrata e lobimit është regjistruar në FARA (Akti i Regjistrimit të Agjentëve të Huaj). Është kërkuar nga cila llogari bankare kanë hyrë këto para dhe ata thonë nuk i ruajmë këto të dhëna më shumë se 10 vite. Kontratën e kishte bërë Partia e Lirisë, ajo figuron e regjistruan në Fara. Tani, një personazh tjetër i PL që ka qenë anëtar më parë e sot është afër kryeministrit, është lidhur me një grek që kishte influencë në SHBA dhe ai ka bërë veprime pa dijeninë e zotit Meta. Ai personazh është thirrur në SPAK dhe thotë nuk di gjë. Ndërkohë që ka miqësi me grekun, ka hyrë, ka dalë, ka pirë. Zoti Meta nuk ka hedhur firmë“
